Enkomputiligis Don HARLOW

Vivo retrovita

de Clelia GUGLIELMINETTI

(Mi estos patrino) (1)

aperis en la nica literatura revuo, 3/2 paĝoj 57-58


La ondoj frapis nur nudantajn rifojn.
Sed el morta brakumo de la ŝtonoj
jen saviĝis boato,
kaj nun sur sablo knaras la kareno,
kaj tera pezo
fariĝos sur la akvo
spirita senpezeco
super terur' de sonditaj abismoj
por atingi l' insulojn de l' feliĉo,
helan delikatecon de glazuro
en eterna lazuro
mar-ĉiela.
Boaton puŝos
la blanka certo de ŝvelanta velo,
kaj dolĉa blovo de fidinda vento.
Ho dorno-floraj kronoj
pretaj sur la altaro
de la eta diulo nekonata
por la mistera
momento de l' alveno...

Piednoto

(1) Antaŭ ke legi ĉi tiun poemon, legu ĉi tiun.